السبت، 27 أبريل 2013

مالح سهل وسريع وطعمه يجننo_O.-ابتكاري^_^

المقادير :
بصله ، طماطه متوسطه الحجم ، بطاطس متوسط الحجم ،بهارات،ملح حسب الرغبه،معجون طماط،علبه تونه،خبز فرنسي او صامولي الزبده لازم يكون اسطواني o_O

الطريقه:
*قطعي البطاطس والطماط والبصل الى مكعبات صغيره

*اقلي البطاطس وخليه على جنب

*حطي في صاج البصل وحمريه لين يصير ذهبي حطي فوقه
الطماط ثم معجون الطماط وحركيه بعدين فتفتي التونه وحطيها فوقها وحركي لين يتمازج مع بعض ثم رشي فوقها البهارات والملح وحركي شوي ثم طفي الناررررر"لاني بغيت احرق بيتنا "X-(

*جيبي مكعبات البطاطس اللي قليتيها واخلطيها مع التونه

*قطعي الخبز او الصامولي على شكل شرايح بس مو نحيفه مرا o_Oد سمكها وسط ^_^

*رصي حلقات الصامولي وحطي فوق كل وحده ملعقه من الخلطه اليييييين تخلصينها كلها وعاد التزيين انتي حره تبين موزريلا او شيدر مبشور! !بكيفك انا حطيت جبن سائل

و بالعااااافيه ^_^

شويه ملاحظات تفيدك^_^

*اذا كنتي بتحمسين البصل رشي فوقه شويه ملح عشان تنزل مويته ~

*الطماط يفضل ينشال اللب حقه اذا بتسوين اكللات خفيفه مثل هاذي عشان اللب فيه سوايل كثيره ممكن انها تخلي الخبز مبلل~

*لمن تزيننيها بالشيدر او الموزريلا دخليها المكرويف لين تذوب وطلعيها ~

ليست هناك تعليقات:

إرسال تعليق