الاثنين، 29 أبريل 2013

النظافه الشخصيه مهههههم لك ي بنت

بسم الله الرحمن الرحييم انا ماعرف اكتب مواضيع وارتبها وووو بس بتكلم معك كا صديقه بعيد عن التكلف والخرابيط , معروف احنا البنات نهتم بالمظهر سوا بالشكل الشعر حتى اللبس طيب اقولك شي! !!ترا كللل هذا ماراح ينفعك دام مابديتي من الاساس اللي هو نظافتك الشخصيه , يعني مضهرك واو كشخه وريحتك خايسه صدقيني مابتنفعك كشختك , يعني اصلا حتى في البيت مو شرط مناسبات مو حلوه زوجك او اهلك يلاحظون اهمالك بنفسك , ببدأ بنظافه الشعر ,شعرك حبيبتي تغسلينه كل يوم ومن الفروه لاتصدقين اللي يقولون لك خليه ثلاث ايام او يوم ويوم O_o اول شي راسك بيفرز دهون بتسد مسامات الشعر مابتخلي راسك يتنفسك وبتطلع لك قشره غير الريحه واذا خايفه انه يتلف استعملي شامبو الاطفال جونسون مرا خفيف على الشعر ومايضر ,بعد ماتغسلينه استعملي.معطرات شعر او مخمريه عادي لو كريم ريحته حلوه واذا مرا مرا مافيه ياخي بخريه بس بعد ماينشف. خذيها قاعده هالاشياء يوميا




نظافه الفم ، هينا عاد ماعتقد بيت يخلو م معجون وفرشه بس ترا ماتكفي لازم غسول فم اختي كلي اللي نفسك فيه كل شي بس مو بس تفرمين وتسحبين سيفون على اسنانك
اذا انتي في البيت ومثلا اكلتي اكله فيها ثوم او او اي شي له ريحه كريهه على طول اشربي بعده نعناع او امضغي ورق نعناع اكيد مو بعد كل وجبه بتفرشين اسنانك معروف التفريش قبل النوم واول ماتصحين من النوم ف حل النعناع افضل حل من تجربتي يعني
ولو مثلا كنتي بعزيمه او مناسبه ومايمديك تشربين نعناع خذي بشنطتك علك نوفا او اكسترا بنكهه النعناع افضل شي وبعد الاكل سولفي على راحتك حتى اللي جنبك بتتقبل كلامك ويمكن تفهيي هههههههه



نظافه الجسم , ماراح اقول تسبحي لان اكيد بتتتسبحين يوميا بس يمكن تهملين نقاط وهي اهم نقاط اللي هي مزيل العرق والشعر. اختي تدرين ان اكبر مسببات الريحه المخيسه بالجسم وتحديدا تحت اباطك هي الشعر اذا شلنا السبب الرئيسي بنرتاح نفسيا واصلا حتى ماتخيل بنت ومشعره مرا ألشكل شاذ عموما هاذي النقطه ركزي عليها وحطي خمسين خط تحتها اصلا حتى لو مثلا نسيتي تحطين مزيل عرق ونتي شايله شعرك والله ماتطلع ريحه بس الاحتياط واجب ضروري مزيل عرق وادا انتي من النوع اللي يخاف من الاضرار امسحي بليمونه ماتحبين الليمون اقرب عطار اشتري شبه يعني فيه بدائل كثييره مالك عذر! !!
استعملي معطرات جسم او مرطبأت فيها ريحه حلوه زي فازلين بزبده الكاكاو
اتمنى اكون افدتك ^_^


البان كيك بطريقتي^_^

المقادير:دقيق , حليب السعوديه,  بكن باودر , سكر , وموزه وععسل للتزيين
طبعا المقادير حسب الكميه اللي حابه اهم شي  يطلع الخليط سايل ^_^






 
 
جيبي صحن عمميق زي كيداااا ^_^
واخلطي  المواااد الجافه اول شي وبعدين حطي الحليب وكل ماشفتيه ثخين زيدي حليب او خفيف مرااا زيدي دقيق  اهم شي يكون كثافته شبه سايله زي اممممم عجينه اللقيمات بالضبط
سخني الصاج على حراره متوسطه حطي زيت شويه عشان ماتلصق بس لو نوعيه الصاج حقك كويسه ومايلصق مايحتاج
 
حطي الخليط على دفعات  على حسب عدد الحبات اللي حابه تحطينها
خلي الخليط يتحمر من تحت وبعدين اقلبيه بيكون شكله كيداااا بس انتبهي لاتقلبينه لين يكون السطح شبه مستوي لان لو كان سايل بيتعبك مرااااا
شوفي انتي تقدرين تتحكمين ب حجم البان على حسب اذا تبينه منفوش كثري بكن باودر اذا تبينه  معصقل زي حقي قللي البكن باودر
زينيه بالموز والعسل برااااااحتك ينفع نوتيلا حتى توفي كلهههم حلوين وبالعااافيه ^__^

الأحد، 28 أبريل 2013

حلا العصريه كيكه الدونات الكبيره <3تهبل

المقادير:3 ﺍﻛﻮﺍﺏ ﺩﻗﻴﻖ , ملعقه بكن باودر, ثلاث ارباع كوب زبده ,4 ﺑﻴﺾات,ﻣﻠﻌﻘﺔ ﻓﺎﻧﻴﻼ‌,ﻛﻮﺏ ﺣﻠﻴﺐ, ﻛﻮﺏ ﻭﻧﺼ  ﺳﻜﺮ و نوتيلا وهيرشي للتزيين
الطريقه :
اسمحولي.كنت مرا مستعجله ما امداني اصور خطوات تحضيرها ف صورت النهايه الجميله ^_^
بسم الله نبدا
*اخلطي البكن باودر والدقيق مع بعض واتركيهم على جنب
*اخفقي الزبده مع السكر بالخلاط الكهربائي لين يصير لك قوامه كريمي وحطي البيضات بيضه ورا بيضه
*قللي من سرعه الخلاط وحطي الدقيق بالتدريج مع الحليب وخليهم يمتزجون زين
*حطي الخليط في صينيه على شكل دونات كبيره مدهونه بزبده ودخليها الفرن المده على حسب فرنك انتي كل شوي شوفي
طلعيها وخليها تبرد وزينيها وبالعافيه ^_^
ملاحظات بتفيدك^_^
*اذا تبين تتاكدين من ان الكيكه استوت من جوا خذي عود اسنان او سكينه واغرسيها فيها وطلعيها اذا طلع العود او السكينه نظيف معناته استوت بس اذا طلع فيه عوالق باقي نيه ~
*لاتعبين الصينيه بالخليط كامل حطي لين نصها عشان هو بينتفش وبياخذ نص ~

بنت و شفايفك متشققه o_O يالهوي

بسم الله الرحمن الرحيم
كثير احنا البنات نعاني من هاذي المشكله وخصوصا بالشتاء وبعض البنات ياكلون شفايفهم حشى وحوش o_O
الزببده اني جبت لك اختي حلول بسيطه ويمكن معروفه بس المشكله مانداوم عليها بس كل ماتكاسلتي تذكري ابتسامتك المتشققه :( وبتتحمسين امممم ماراح اطول بدخل بالاسباب و بالحلول ^_^

الاسباب :
*الارواج بعضها فيها مواد ممكن تضر الشفايف ولو استعملتي روج رديء ممكن يغمق لك لون شفايفك انصحك تستعملينها في المناسبات فقط ^_~

*اختلاف الاجواء زي الشتاء

*ممكن اسباب مرضيه اذا مانفع معك ولا حل على طول روحي عند طبيب o_O

*اول حل لازم وضروري يكون عندك مرطب شفايف اسمه labelloموجود بكل الصيدليات وبنكهات متنوعه بحط صورته ^_^ اختاري النكهه اللي تحبينها وصدقيني بتدمنين عليه حتى يعطي لون.ولمعه خفيفه وطبيعيه على الشفايف اتعب ونا اقول وأاو حطي منه ب اي وقت ونصيحه حطي منه قبل تحطين الروج يعطي شفايفك.حمايه

*استعملي مقشر طبيعي اول ماتصحين وقبل تنامين اعلمك كيف تسوينه ^_^
{سكر,ليمون,زيت زيتون }تحطين من كل وحده ملعقه صغيره وتخلطينها وتفركين فيها شفايفك بس عاد مو تحفرينها o_Oلا فرك بسيط وتغسلينها راح اقولك ليه الليمون والسكر وزيت الزيتون
الليمون لانه ينضف والسكر يقشر وزيت الزيتون يرطب :) هاذي تقدرين تستعملينها ل يديك بعد بس بعد ماتنقعين يدك بمويه دافيه عشر دقايق ^_^

وبكذا راح تصير شفايفك امزز شفايف ^_^ ولا اوصيكم اهم شي ماتتكاسلين

السبت، 27 أبريل 2013

مالح سهل وسريع وطعمه يجننo_O.-ابتكاري^_^

المقادير :
بصله ، طماطه متوسطه الحجم ، بطاطس متوسط الحجم ،بهارات،ملح حسب الرغبه،معجون طماط،علبه تونه،خبز فرنسي او صامولي الزبده لازم يكون اسطواني o_O

الطريقه:
*قطعي البطاطس والطماط والبصل الى مكعبات صغيره

*اقلي البطاطس وخليه على جنب

*حطي في صاج البصل وحمريه لين يصير ذهبي حطي فوقه
الطماط ثم معجون الطماط وحركيه بعدين فتفتي التونه وحطيها فوقها وحركي لين يتمازج مع بعض ثم رشي فوقها البهارات والملح وحركي شوي ثم طفي الناررررر"لاني بغيت احرق بيتنا "X-(

*جيبي مكعبات البطاطس اللي قليتيها واخلطيها مع التونه

*قطعي الخبز او الصامولي على شكل شرايح بس مو نحيفه مرا o_Oد سمكها وسط ^_^

*رصي حلقات الصامولي وحطي فوق كل وحده ملعقه من الخلطه اليييييين تخلصينها كلها وعاد التزيين انتي حره تبين موزريلا او شيدر مبشور! !بكيفك انا حطيت جبن سائل

و بالعااااافيه ^_^

شويه ملاحظات تفيدك^_^

*اذا كنتي بتحمسين البصل رشي فوقه شويه ملح عشان تنزل مويته ~

*الطماط يفضل ينشال اللب حقه اذا بتسوين اكللات خفيفه مثل هاذي عشان اللب فيه سوايل كثيره ممكن انها تخلي الخبز مبلل~

*لمن تزيننيها بالشيدر او الموزريلا دخليها المكرويف لين تذوب وطلعيها ~

بسم الله الرحمن الرحيم ،^_^مدونه افتتاحيه